Kur kanë kaluar katër ditë nga zjarri në burgun e Shënkollit, ku gjeti vdekjen i burgosuri Flamur Sulaj, grupi hetimor ende nuk ka një motiv për motivin e kësaj ngjarje.
Nga veprimet e deritanishme të kryera nga policia dhe prokuroria dyshohet se 32-vjeçari Sulaj ka patur një moment të rënduar psikologjik. Për pasojë ai i ka vendosur zjarrin dyshekut dhe më pas kanë shpërthyer disa bombula të vogla gazi që përdoreshin nga të burgosurit për gatim. Ndërkohë Flamur Sulaj është gjetur i asfiksuar në banjon e dhomës.
Prokuroria thotë se ka marrë disa dëshmi të të burgosurve të cilët thonë se prej ditësh Sulaj ishte i rënduar psikologjikisht. Gjithashtu hetuesit janë pritje të tabulateve telefonike që janë kryer në burg. 32-vjeçari sipas dëshmitarëve vetëm 10 minuta para zjarrit ka kryer një telefonatë. Zbardhja e përmbatjes së saj dhe zbulimi i identitetit të personit më të cilin ka folur pritet të hedhin dritë mbi ngjarjen.
Ndërkohë nga ana e saj Drejtoria e Përgjithshme e Burgjeve vazhdon hetimin admnistrativ për admnistratën e burgut të Shënkollit. Deri tani janë shkarkuar 10 policë të këtij institucioni, si dhe janë marrë masa admnistrative për 22 persona të tjerë. Sqarohet se deri në përfundim të këtij hetimi mund të këtë edhe largime të tjera nga puna.
Tv Klan
