Zjarri i rënë sot në burgun e Shënkollit në Lezhë ka shkaktuar edhe një debat mes institucioneve. Ndërsa priteshin deklarata nga Policia, Prokuroria dhe Ministria e Drejtësisë në skenë del Inspektoriati Shtetëror Teknik. Ky inspektoriat në varësi të Ministrisë së Energjisë deklaroi se zjarri nuk u shkaktua nga bombola e gazit. Sakaq burimet thonë se ISHTI ka kontrolluar vetëm depozitën e madhe të gazit që ndodhet në ambientet e jashtme të gazit. (shih foto).
Siç duket në këtë foto që ka siguruar Opinion.al kjo bombol fatmirësisht është në rregull pasi nëse do të kishte qenë një shpërthim i saj do kishim të bënim me bilanc më tragjik.
Ky inspektoriat nuk ka hyrë gjatë ditës së sotme në ambientet e brendshme të burgut. Nuk ka asnjë informacion se çfarë në të vertetë shkaktoi zjarrin në burg.
Por pse ky inspektoriat nxitoi të hidhte baltë mbi një komunikatë të ministrisë së drejtësisë bërë më herët lidhur me këtë ngjarje?
A u nxitua Inspektoriati në varësi të Gjiknurit të fliste para Prokurorisë dhe Policisë? /Opinion.al
