Një zjarr i madh dogji gjatë mbrëmjes së djeshme 4 banesa në Shkodër.
Flakët shpërthyen fillimisht në një banesë dy katëshe të 51-vjeçarit me inciale L. T.
Njëra prej banoreve tha për mediat se nuk i ka mbetur më asgjë, veç rrobave të trupit, pasi të gjitha gjërat janë djegur.
“Ka dëme deri në themel. Janë çarë muret. Vetëm të rrim në shi tani. Ishalla Zoti e rregullon. Në shtëpi ka qenë burri. Bombolat kanë plasur më pas. Burrin e kanë nxjerrë fëmijët e kunatit nga shtëpia. Janë djegur me frigorifer, orendi, të gjitha, edhe rrobat janë djegur”, tha njëra prej banoreve të prekura nga zjarri në Shkodër.
