Zona e Patras në Greqi po përballet me vatra të mëdha zjarri. Sipas informacioneve, deri më tani tre fshatra në këtë zonë janë djegur plotësisht.
Për shkak të me erëra të forta zjarri në Patra ende nuk është vënë nënkontroll, teksa ekipi i zjarrfikësve është përforcuar dhe 50 zjarrfikës po veprojnë në vendngjarje me 16 automjete dhe dy grupe këmbësorësh, ndërsa dy aeroplanë dhe pesë helikopterë po hedhin ujë nga ajri.
Edhe fshati Souli është në rrezik nga zjarri, ku flakët kanë filluar që të djegin dhe shtëpitë e para në këtë zonë. Ndërkohë era e fortë favorizon dhe e bën të vështirë shuarjen e flakëve. Një urdhër për një evakuim paraprak të komunitetit të Souli, i vendosur në periferi të Patras, u dha nga Brigada e Zjarrit, për shkak të zjarrit që shpërtheu më herët në zonën fqinje të Elekistra.
Gjithashtu ka filluar evakuimi i Riganokampos. Në zonë ka forca policie që ndihmojnë në evakuimin e komunitetit, ndërsa zjarrfikësit vazhdojnë të luftojnë me flakët për të mos kërcënuar zonat e banuara. Në veçanti, 47 zjarrfikës me 16 automjete dhe dy grupe këmbësorë po luftojnë me flakët, ndërsa pesë avionë, përfshirë Beriev-200, si dhe dy helikopterë po lëshojnë ujë nga ajri.
