Mijëra njerëzve në Kaliforninë veriore u është thënë të largohen nga shtëpitë e tyre pasi zjarret po rriten në të gjithë shtetin gjatë një vale të nxehtit.
Rreth 28,000 njerëz ishin nën paralajmërime ose urdhra evakuimi, pasi zjarrit që shpërtheu dy ditë më parë.
Moti i nxehtë i rrezikshëm pritet të vazhdojë me temperatura prej 47 gradë Celsius në disa zona deri në fillim të javës së ardhshme.
Deri më tani nuk raportohet për asnjë viktimë, ndërsa 74 struktura në të gjithë shtetin janë shkatërruar apo dëmtuar nga zjarret këtë sezon.
Që nga mbrëmja e së enjtes, zjarri ishte 7% nën kontroll, pasi një ekuipazh prej gati 2,000 luftoi me flakët.
Të paktën katër persona u plagosën, megjithëse shkalla e lëndimeve të tyre nuk dihet.
Zjarri vazhdoi të përhapet gjatë ditës së sotme, me më shumë se 800 hektarë të djegur.
Qyteti i Oroville, afër vendit ku filloi zjarri i Thompson, anuloi festimet e tij të 4 korrikut për Ditën e Pavarësisë për shkak të rrezikut të ndezjes së një zjarri tjetër.
Sezoni i zjarreve filloi kohët e fundit në Kaliforni dhe zakonisht zgjat deri në tetor. Përmasat dhe intensiteti i zjarreve në shtet janë rritur vitet e fundit.
Sasia e zonave të djegura gjatë verës në Kaliforninë veriore dhe qendrore u rrit pesë herë nga viti 1996 në 2021 krahasuar me periudhën 24 vjeçare më parë, të cilën shkencëtarët ia atribuan ndryshimit klimatik të shkaktuar nga njeriu./Opinion.al
