Të gjitha vatrat aktive të zjarrit në zona të ndryshme të vendit janë shuar.
Ky lajm është bërë i ditur nga ministri Niko Peleshi, i cili përmes një njoftimi në rrjete sociale bënë me dije se aktualisht nuk ka asnjë vatër zjarri aktive, pavarësisht temperaturave të larta.
Përsa i përket zjarrit që përfshiu fushën e plehrave në Elbasan, Peleshi tha se pas angazhimit maksimal, zjarri u shua plotësisht.
Ndër të tjera ai njofton se situata po monitorohet nga forcat zjarrfikëse të bashkisë së këtij qyteti.
“Të shtata vatrat e zjarrit që ditën e djeshme përfshinë zona të ndryshme të vendit janë shuar dhe aktualisht nuk kemi asnjë vatër aktive në vend, pavarësisht temperaturave të larta.
Në fshatin Krastë, në bashkinë e Krujës, të gjitha vatrat që ishin aktive janë shuar.
Puna intensive dhe angazhimi maksimal bëri të mundur shuarjen përfundimtare të flakëve edhe në vendgrumbullimin e mbetjeve urbane, në Elbasan. Situata po monitorohet nga forcat e zjarrfikëses së bashkisë së këtij qyteti. Të gjithë strukturat e mbrojtjes civile në nivel vendor dhe qendror mbeten në gatishmëri të plotë”, shkruan Peleshi./Opinion.al
