Pesë persona kanë humbur jetën në Italinë e Jugut si pasojë e zjarreve që kanë përfshirë vendin.
Në Reggino viktimat janë dy të moshuar, ndërsa një fermer humbi jetën në zonën e Catanias.
Drejtuesit në Calabria dhe Sicilia i kanë bërë thirrje qeverisë Draghi të shpallë gjendjen e jashtëzakonshme ndërsa autoritetet po përpiqen të identifikojnë zjarrvënësit dhe të kuptojnë nëse zjarret janë të qëllimshme.
Kryebashkiakët e Kalabrisë besojnë se ky është shpjegimi i vetëm logjik pasi siç thonë ata , sapo të shuhet një zjarr, menjëherë më pas, disa qindra metra larg, është gjetur një vatër e re./Opinion.al
