Autoritetet ende nuk kanë mundur të vënë nënkontroll të gjitha vatrat e zjarrit që kanë përfshirë Greqinë ditët e fundit.
Për këtë arsye, qytetarëve iu është kërkuar që të evakuohen nga banesat e tyre përreth Athinës, teksa qindra zjarrfikës, të ndihmuar nga mjete fluturuese, luftojnë për të shuar flakët që po ndihmohen nga erërat e fuqishme.
Fatkeqësisht një vullnetar 38-vjeçar humbi jetën në rrethinat pranë kryeqytetit grek dhe autoritetet arrestuan një grua, e cila dyshohet se po tentonte një zjarrëvënie të qëllimshme në një park.
Dëmet materiale janë të mëdha, qindra banesa janë shkrumbuar. Sipas të dhënave nga Sistemi Europian i Informacionit për Zjarret në Pyje, Greqia ka shënuar rekord sa i përket zonave të djegura.
Qeveria premtoi se hektarët e shumtë të shkrumbuara të pyjeve do të ripyllëzohen. Situata më e vështirë paraqitet në ishujt e Greqisë.
Qindra persona janë evakuuar nga rojet bregdetare përmes anijeve në ishullin Evia. Autoritetet njoftuan se në të gjithë vendin janë aktive 154 vatra zjarri.
Pengesë e madhe për ekipet zjarrfikëse po bëhet vala e gjatë e të nxehtit, më e keqja në mbi 30 vitet e fundit, si dhe erëra të fuqishme që përshpejtojnë përhapjen e flakëve./ Opinion.al
People being evacuated by ferry boat from Limni on #Evia island. #Wildfire there burning uncontrolled for a third day. Video by Thanos Mandelos #Greece #wildfire #wildfires #fire #πυρκαγια #πυρκαγιες #ΛιμνηΕυβοιας #λιμνη #Ευβοια #Ευβοια_μαντουδι_λιμνη pic.twitter.com/alenpy2xr2
— ?????? ????????? (@KallergisK) August 6, 2021
