Presidenti amerikan Donald Trump nuk beson se ngrohja globale është shkaktare e zjarreve katastrofike të përvitshme në Kaliforni, siç pretendon administrata lokale e drejtuar nga demokratët. Ai fajëson për situtatën menaxhimin e keq të pyjeve.
Kreu i Shtëpisë së Bardhë, minimizoi shqetësimet për ndryshimet klimatike gjatë një vizite në Kaliforninë e përfshirë nga flakët, ndaj dhe shqetësimit të Sekretarit për burimet natyrore se duhet luftuar ngrohja globale që mos ketë më vatra masive, Tramp iu përgjigj: “Do të freskohet. Ja do ta shihni”.
Zjarret në Kaliforni, Oregon dhe Uashington kanë djegur gati 2 milionë hektarë tokë dhe u kanë marrë jetën të paktën 36 personave që prej muajit gusht. Ato kanë arritur në zona urbane dhe kanë detyruar evakuimin e qindra mijëra personave.
Nga ana tjetër, kandidati demokrat për presidencën, Joe Biden, e quajti Trumpin një zjarrvënës të klimës:
“Refuzimi i tij për të pranuar ndryshimet klimatike mund të mos ketë shkaktuar zjarret, përmbytjet apo uraganet, por nëse ai siguron një mandat të dytë këto fenomene të tmerrshme do të bëhen edhe më të zakonshme, më shkatërruese dhe më vdekjeprurëse”.
Në të kaluarën, Trump i ka cilësuar ndryshimet klimatike si një mit dhe jo ekzistente apo si një mashtrim i kushtueshëm. Ai i tërhoqi Shtetet e Bashkuara nga Marrëveshja Klimatike e Parisit e cila angazhonte Shtetet e Bashkuara dhe 187 vende të tjera të ruanin rritjen e temperaturave globale nën 2 gradë celsius./Opinion.al
