Është përfshirë nga flakët një dhomë e Repartit të Kirurgjisë në katin e katërt të Spitalit Rajonal Shkodër. Sipas uniformave blu, ngjarja ka ndodhur rreth orës 07:05, të mëngjesit të sotëm.
Policia dhe zjarrfikësit shkuan menjëherë në vendngjarje, ku arritën në kohë të neutralizonin flakët duke mos lejuar përhapjen në dhomat e tjera.
Nga zjarri nuk ka persona të lënduar, vetëm dëme materiale.
“Rreth orës 07:05, të mëngjesit të sotëm, në katin e katërt të Spitalit Rajonal Shkodër, në një nga dhomat e Repartit të Kirurgjisë, ka rënë zjarr. Shërbimet e Policisë dhe zjarrfikësit shkuan menjëherë në vendngjarje. Ndërhyrja në kohë e shërbimeve bëri të mundur neutralizimin e flakëve, duke mos lejuar përhapjen e flakëve në dhomat e tjera si dhe shuarjen e plotë të zjarrit. Nga zjarri nuk ka persona të lënduar, vetëm dëme materiale”-njofton policia.
Grupi hetimor vijon punën për zbardhjen e shkakut të rënies së zjarrit, paraprakisht dyshohet aksidental.
