Një person humbi jetën dhe 11 tjerë u plagosën pasi një zjarr shpërtheu në një shtëpi për të moshuarit dhe njerëzit që vuanin nga sëmundje të shëndetit mendor në qytetin verior të Parmës, herët në mëngjesin e së hënës.
Sipas mediave italiane, mësohet se viktima është një grua 62-vjeçare mysafire në “Casa di Arianna”, e drejtuar nga kooperativa Avitas.
Dhjetë të ftuar dhe një punonjës shëndetësor gjithashtu kishin nevojë për trajtim spitalor pasi pësuan helmim nga tymi, raporton ANSA.
Megjithatë, askush nuk u raportua të ishte në gjendje të rëndë.
Ndërkohë kryebashkiaku i Parma, Michele Guerra ka shprehur ngushëllimet e tij për familjen e viktimës.
“Dëshiroj të dërgoj një mesazh ngushëllimi për familjen e viktimës dhe shërim të shpejtë për ata që janë aktualisht në spital për shkak të helmimit nga tymi”, tha kryebashkiaku i Parma, Michele Guerra.
Hetuesit po punojnë për të përcaktuar shkakun e zjarrit, i cili raportohet se shpërtheu rreth orës 5:30 të mëngjesit me orën lokale./Opinion.al
