Një zjarr i përmasave të mëdha shkaktoi dëme në N/stacionin e Kasharit. “Janë djegur të gjithë fidrat 20 kilovolt”, bëri të ditur OSHEE sot në mëngjes.
Aktualisht janë pa energji elektrike Bashkia Kamëz si dhe lagjet e Tiranës: Yzberisht, Kashar, Mëzez, Unaza e Re. Po kështu pa energji janë edhe bizneset përgjatë autostradës Tiranë-Durrës nga Kashari deri në Vorë.
Zjarri që ra rreth orës 02:00 pas mesnate është shuar me ndihmën e zjarrfikësve, dhe aktualisht po punohet për riparimin e dëmit, i cili vlerësohet i përmasave serioze.
OSHEE thotë se duhen disa orë punë për rikthimin e energjisë, pasi janë djegur 20 fidera të N/stacionit të Kasharit./Opinion.al
