Një zjarr i përmasava të mëdha ka përfshirë fshatin Hambar në njësinë administrative Cakran, të bashkisë Fier.
Lajmi është bërë i ditur nga ministri i Mbrojtjes Niko Peleshi, i cili përmes një postimi në rrjete sociale njofton se vatra e zjarrit është aktivizuar në një hapsirë me ullishte dhe shkurre.
Ai thotë se flakët janë përhapur me shpejtësi për shkak të erës gjë që ka bërë të nevojshme ndërhyrjen nga ajri përmes helikopterit Cougar.
“Menjëherë pas njoftimit nga strukturat e emergjencave civile të bashkisë Fier, për një vatër zjarri në një sipërfaqe me ullishte e shkurre në fshatin Hambar, në njësinë administrative Cakran, është nisur për ndërhyrje nga ajri edhe helikopteri Cougar.
Flakët janë përparur me shpejtësi për shkak të erës së fortë. Forcat zjarrfikëse dhe banorë të zonës po punojnë në terren, për të shmangur çdo rrezik për banesat aty pranë”, shkruan ministri./Opinion.al
