Miq dhe kolegë kanë shprehur hidhërimin e tyre për ndarjen e parakohshme nga jeta të Armand Hallvaxhiut, zhytësit që humbi jetën pasditen e sotme pranë shpellës së Haxhi Aliut në Karaburun, duke zhvilluar pasionin e tij për sportin e peshkimit nënujor.
34 vjeçari punonte prej shumë vitesh si operator në një prej televizioneve të njohura informative në Tiranë.
Në një postim në fb, drejtoresha e produksionit në Neës 24, Anduena Manushi ndërsa poston foto të Armandit, shënon edhe një dedikim për të
I bëre të qajnë këta burra o Mand.. Na vrave…
Ndërsa kolegia gazetare Elda Lame e cila vetëm pak ditë më parë kishte bashkëpunuar me Armandin shkruan
“O Mando ku mbete? Ku? Ne mengjes, duke pritur per dale ne terren kishte disa dite, qe te gjeja ulur tek i njejti vend, e une mes batutave tona te thoja, “ketu ke fjetur?. Dhe ti, ti qeshje, qeshje, qeshje…O Mandi do benim gjera te bukura ne Jale. Keshtu me premtove, se do vinim te benim nje super reportazh per pasionin tend te madh, me te madh se vete jeta. Ndersa shkruajme sot per ikjen tende. Une te thashe, se nuk do vija nese ti nuk do na gatuaje peshk. Po, Mandi, por ti…Eh Mandi sa na trishtove, na theve zemrat. Te qofte dheu i lehte, Djali i Detit…”
Ndërkohë që në nderim të kujtimit të zhytësit të ndjere Spearfishing Albania Team, shoqata e peshkatarëve nënujore ku Armandi aderonte, ka ndaluar postimet në faqen e saj dhe ka vendosur një kordele të zezë në shenjë zie…
