Kreu i Partisë Demokratike, Sali Berisha ka folur në një deklaratë për shtyp, pas intervistës që ka dhënë për mediat ish-zv.kryeministri Arben Ahmetaj.
Ai theksoi se Ahmetaj “zhveshi lakuriq” Edi Ramën si arkitekti i krimit më të madh, kanabizimit të Shqipërisë.
Gjatë fjalës së tij, Berisha e cilëson intervistën e Ahmetajt si një rrëfim të jashtëzakonshëm që u fakton shqiptarëve se kush është në të vërtetë kreu i qeverisë Edi Rama.
“Kjo intervistë është më të jashtëzakonshmet në historinë e një shteti. Për vërtetësinë ose faktimin e vërtetësisë të akuzave të opozitës ndaj Edi Ramës dhe vërtetësisë së madhe me dokumente, faktimit nga ish-bashkëpunëtori më i ngushtë, numri dy për vite të tëra i qeverisë shqiptarë. Tashmë i përndjekur, azilant në Zvicër Arben Ahmetaj.
U faktoi shqiptarëve edhe një herë se Rama është bosi, padrinua, kryetari i një organizate të mirëfilltë kriminale dhe kudo që shkon ai udhëton jo si kryeministri i Shqipërisë, por si kreu i një organizate krimnale, më e rrezikshmja në historinë e vendit, rajonit dhe Europës.
Ahmetaj, zhveshi lakuriq Edi Ramën si arkitekti i krimit më të madh, kanabizimit të Shqipërisë”, tha Berisha.
