Meghan Markle dhe princ Harry njoftuan dy ditë më parë se do të tërhiqeshin nga detyrat mbretërore dhe do të ndanin jetën e tyre mes Mbretërisë së Bashkuar dhe Amerikës Veriore.
Vendimi, i cili shkaktoi mjaft tension në familje por dhe një sërë polemikash në Mbretërinë e Bashkuar duket se ka detyruar Meghanin të largohet.
Kur të gjithë sytë e botës janë tek ajo, Meghan ka udhëtuar drejt Kanadasë për të qenë pranë vogëlushit Archie pasi qëndroi për vetëm 3 ditë në Angli.
Nga ana tjetër, princ Harry vijon të jetë ende në Mbretërinë e Bashkuar, duke u marrë me me pasojat e vendimit për të hequr dorë nga detyrat mbretërore.
Tërheqja e dyshes ka shkaktuar tension tek mbretëresha Elizabeth, e cila ka refuzuar ta takojë nipin e saj. Sakaq, ajo urdhëroi familjen të gjejë një zgjidhje që do t’i lejojë nipit dhe gruas së tij të lënë detyrat mbretërore./Opinion.al
