Deputetja e PD-së Ina Zhupa, ka komentuar edhe përmbytjet në Vlorë, gjatë fjalës së saj në Komisionin Hetimor për Shëndetësinë.
Zhupa theksoi se Vlora u përmbyt sepse është vjedhur nga ‘Rilindja’.
Ajo ka hedhur akuza ndaj mazhorancës, lidhur me aferat korruptive dhe inceneratorët.
“Po grisni Kushtetutën dhe po ktheni vendin copë e çikë. Ju nuk mund të hetoni aferat që keni bërë ju. Ju thoni se është dëm më i madh tre karrige se të vjedhësh 250 milionë euro. Është dëm më i madh dëmi kolosal ekonomik tek inceneratorët.
Çfarë i ofroni Vlorës, që i vodhët çdo gjë dhe e latë të përmbytet. Mbledhja që kanë kërkuar këta sot është nul. Ju i keni vrarë shpresën qytetarëve. Nuk do ketë normalitet nëse maxhoranca nuk zbaton ligjin”, tha Zhupa.
