Për Artur Zhejin fushata elektorale e Edi Ramës nuk ka aspak lidhje me element të modernes, siç disa duan ta paraqesin dhe për shkak të disa elementëve të përdorura as nuk mund të lexohet si e tillë.
Për të forcuar këtë ide, Zheji theksoi sonte në emisionin “Opinion” se fjalët kyçe të kësaj fushate kanë qenë: timon, tepsi, kazan, bakllavan dhe sheqerpare. Sipas tij, këto janë fjalët kryesore të fushatës nëse do kërkosh në google, ku do vihet re, dhjetra fjalime të kryeministrit dhe kandidatëve të tij pikërisht me këto fjalë.
“Rama ka marrë ansamblin popullor, korin e operas dhe këngëtar lirik dhe mban një fjalim për të inauguruar një shesh”, tha ai.
