Një fushë mbeturinash është zbuluar brenda zonës së kërkimit pranë Titanikut, shkruan BBC.
Lajmi është bërë i ditur nga Roja Bregdetare e SHBA.
Mësohet se ekspertët brenda komandës së unifikuar janë duke vlerësuar informacionin.
Pamjet e mbetjeve ende të paidentifikuara janë regjistruar nga një automjet i drejtuar nga distanca.
Gjithashtu Roja Bregdetare e SHBA ka njoftuar se do të mbajë një konferencë për shtyp në orën 15:00 me atë lokalen, ku do të informojë mbi situatën e kërkimit.
“Titan” u zhduk të dielën në Oqeanin Atlantik – 435 milje në jug të Newfoundland, Kanada – gjatë një zhytjeje ekspedite për të parë rrënojat e Titanikut./Opinion.al
