Kryeministri Edi Rama në mbledhjen e sotme me drejtuesit e policisë së shtetit ka folur dhe për zhdukjen e të shumëkërkuarit të policisë, Ervis Martianj.
Rama e cilësoi si të papranueshme faktin që Policia e Shtetit ende nuk ka një përgjigje nëse Martinaj është vrarë apo jo. Ai tha se kjo dilemë duhet të marrë fund sa më parë.
“Si është e mundur që policia e shtetit ende nuk e ka një përgjigje për fatin e njërit prej figurave më të larta të krimit të organizuar në Shqipëri. Është e papranueshme që mediat çdo natë janë bërë si Big Brother, jo u vra, jo nuk u vra ai që ishte shumë i kërkuar nga policia. Lajme me luanë, me bamirësa, me oligarkë, si një serial absurd për një nga figurat më të zeza të botës së krimit Shqipëri. Policia nuk di ende ta thotë ‘ore u vra apo nuk u vra’. Kush e ka penguar ta thotë? Kjo dilemë duhet të marrë fund sa më parë”, tha Rama./Opinion.al
