Kronikë

Zhdukja e biznesmenit italian, flet dëshmitari: Nuk ndjeva erë të veçantë


Bëhu pjesë e Grupit Zyrtar të Opinion.al
>> KËTU <<
               Publikuar në : 13:17 - 31/01/21 |
Doriana Çepunaj

Hetimet për zhdukjen e biznesmenit Italian Davide Pekoreli, tashmë po zhvillohen jo vetëm nga autoritetet shqiptare por edhe ato italiane. Autoritetet janë në pritje të rezultateve të mjekësisë ligjore për eshtrat e gjetur në automjet.

Ndërkohë Pal Curaku, personi që ka njoftuar policinë në momentin kur ka parë se makina po digjej ka treguar në një intervistë në News 24 se për sa kohë qëndroi në vendngjarje nuk ka ndjerë tipike te djegies se një trupi njeriu në momentin që ka qenë pranë mjetit, gjë të cilën nuk e kanë konstatuar as efektivët e policisë që mbërritën pranë makinës që ende po digjej.

“Kam parë mjetin që po digjej, i telefonova Policisë se mund të ishte kush brenda. Më ka dalë policia e Rrëshenit, ata janë lidhur më pas me policinë e Pukës. Policia ka mbërritur në vendin e ngjarjes për rreth 30 minuta. Sa kam qëndruar këtu nuk kam ndjerë erë të veçantë, veç erës së gomave të mjetit që digjej”, deklaroi dëshmitari.

Hetimet ndërkohë që pista e një shpërthimi të mundshëm të mjetit bie poshtë nga vetë pozicionimi jashtë rrugës së makinës, e cila lë të dyshohohet se ishte parkuar buzë greminës.

Prokuroria e Pukës ende nuk ka në dorë të dhënat e celularit që u gjet në makinën e Pekorelit, ndërsa vetë hetuesit shqiptar, por dhe ata italianë tashmë janë të dyzuar mes një vdekje aksidentale, asaj të paramenduar me qëllime të caktuara, apo një tentative për humbje gjurmësh nga ana e biznesmenit për qëllime të caktuara, një prej të cilave dhe ajo për përfitimin të siguracionit të jetës.

Davide Pecorelli, njihet si sipërmarrës në Itali. Por Pecorelli, ka ushtruar dhe profesionin e arbitrit. Ai ka arbitruar gjatë karrierës në Serinë C italiane, si dhe ka shërbyer si arbitër i katërt në Serinë A.

Pekoreli kishte fëmijë me një shtetase shqiptare dhe prej një viti kishte nisur të investonte edhe në Tiranë. /Opinion.al

Pas