Policia franceze është alarmuar pasi një avion është zhdukur gjatë udhëtimit për në Angli. Sipas mediave të huaja, në bordin e avionit të zhdukur ishte edhe futbollisti i njohur i “Premier Legaue”-s, Emiliano Sala, i cili u transferua nga Nanta te Cardiff. 28-vjeçari mësohet se ishte rrugës për të takuar kolegët e tij të rinj të Cardiff City, pasi firmosi marrëveshjen prej 15 milionë paundësh.
Sipas policisë franceze, lidhjet mes radarit dhe avionit tip “Piper Malibu” u ndërprenë të hënën në mbrëmje, rreth orës 20:30. Aeroplani fluturonte mbi Kanalin Anglez pranë farit të Casquets. Në bordin e Piper Malibu dyshohet se ishte vetëm sulmuesi 28-vjeçar dhe piloti.
Një operacion i madh kërkimi është duke u zhvilluar për avionin në Alderney në Ishujt Channel. Ndërkohës që aeroporti i Cardiff konfirmoi se avioni do të mbërrinte nga Nantes por zëdhënënsja e shtypit tha se nuk kishte detaje të mëtejshme./E.M
