Merr fund ëndrra amerikane për emigrantët e rinj në SHBA, pa leje qëndrimi…
Administrata e presidentit të Shteteve të Bashkuara, Donald Trump, bëri të ditur këtë të martë se do t’i japë fund programit që mbron imigrantët e rinj nga dëbimi. Ky ishte një premtim elektoral i Traump gjatë fushatës.
Programi është miratuar nga administrata e ish-presidentit Barack Obama.
Prokurori i përgjithshëm i SHBA-së, Jeff Sessions, tha se programi i njohur si DACA është një “ushtrim antikushtetues i autoritetit nga dega ekzekutive”.
Programi DACA ofron mbrojtje nga dëbimi për imigrantët e paligjshëm që kanë hyrë në SHBA në moshë të mitur.
Sessions tha se administrata Trump po i kërkon Kongresit të gjejë një mënyrë alternative për të mbrojtur imigrantët e rinj, që kanë hyrë në SHBA ilegalisht./syri.net
