Bitcoin është një nga monedhat kriptografike digitale që ka pasur sukses dhe vlerë të madhe vitet e fundit. Krijuar në vitin 2008 me vlerën fillestare 1 Dollar = 0.08 Bitcoin, kohët e fundit vlera e Bitcoin kishte kaluar Dollarin me 1 Bitcoin = 650 Dollarë, një rritje kjo prej 600% dhe me një kapital prej gati 12 miliard dollarësh. Kjo vlerë ishtë deri mbrëmë, ku në Hong Kong ndodhi vjedhja më e madhe që nga krijimi i Bitcoin. Reth 120.000 Bitcoin me vlerë 72 miliion dollar u zhdukën nga BitFinex Exchange, shkëmbyesi më i madh online i Bitcoin-ve në Dollar. Kjo vjedhje dhe thyerje e madhe e sigurisë shkaktoi një rënie në vlerë prej 20% dhe 1 Bitcoin sot ështe = 583 dollar. Shumë kujtuan se integriteti i Bitcoin mori fund duke dyshuar mbi sigurinë e vetë monedhës, por më vonë u bë e qartë se humbja nuk kishte të bënte me sigurinë e Bitcoinit, por me BitFinex dhe depozitat që shumë klient kishin në databazat e tyre. BitFinex denoncoi menjëherë ngjarjen dhe filluan hetimet. Ekspertët më të mëdhenj të Blockchain-it, librit kryesor ku Bitcoin regjistron çdo transaksion, po mundohen të identifikojnë levizjet e parave.
Pas gati 18 orësh, Bitcoin u stabilizua në vlerë, madje pati rritjen e parë 0.8%.
Bitcoin është një teknologji revolucionare për sa i përket mënyrës si funksionon, duke përdorur kriptografinë dhe algoritme të ndërlikuara matematikore. Bitcoin ofron transaksione të menjëherëshme, nga çdo cep i botës dhe anonimitet. Përqindjet që paguhen për kryerjen e transaksioneve janë shumë më të ulta se bankat, gjithashtu Bitcoin është monedha e parë e decentralizuar, dmth asnjë bankë nuk e kontrollon. Po kush e kontrollon? Bitcoin-in e kontrollojnë vetë njerëzit. Të gjithë kanë nga një kopje të librit të transaksioneve, kështu që mund të ndjekësh çdo lëvizje të parave. Llogaritë janë me numra dhe kode, për të dhënë anonimitet dhe dihet vlera totale që ka në qarkullim. Bitcoin-ët e rinj gjenerohen nga të ashtuquajturit minatorë, Miners. Ata japin fuqi kompjuterike për të zgjidhur algoritme gjithmonë e më të vështira në këmbim të Bitcoin. Gjithashtu kjo fuqi kompjuterike përdoret për të kryer dhe verifikuar transaksionet. Nëse doni të dini më shumë si funksionon Bitcoin ndiqni videon.
