Ministrja e Infrastrukturës dhe Energjisë Belinda Balluku ka dalë ditën e sotme në një prononcim për mediat, teksa ka theksuar se nga dita e nesërme do të nisin të gjitha fluturimet normalisht.
Ndërkohë që, sipas saj nga mesdita e sotme në pistën e aeroportit të Rinasit do të fillojnë të gjithë fluturimet esenciale, si ato ushtarake, humanitare dhe për nevoja emergjente shëdetësore.
“Nga nesër që në orët e para të mëngjesit do filliojmë të kemi fluturime normale.
Kjo situatë e rëndë dhe e jashtëzakonshme na ka bërë të kuptojmë se ka qenë një plan i organizuar, se është dashur të krijohet një bllokim deri në zgjedhje. Rëndësi ka që trafiku ajror ka filluar punën për të vënë në funksion të gjitha njësitë dhe të kthejmë gjithçka në normalitet.
Në pistën e aeroportit të Rinasit do fillojnë të ulen të gjitha ato avion që futen në fluturimet esenciale. Ndërkohë që fluturimet për udhëtarët do të nisin nesër në mëngjes.”- tha Balluku./Opinion.al
