Ditën e sotme kreu i KQZ, Klement Zguri ka raportuar në Kuvend ecurinë dhe performancën e këtij institucioni në zgjedhjet e 2019.
Zguri thekoi se në 2019 KQZ ishte viktimë e konfliktit politik , i cili i bëri zgjedhjet jo normale dhe të diskutueshme.
Ai theksoi se embrioni i zgjidhjes është një administratë jopolitike, dekriminalizimi dhe financimi i partive.
”Thashë që përplasja politike nuk do e lërë KQZ. Jam ndjerë shumë i prekur që Kuvendi këtë shqetësim e bëri shqetësim të vetin dhe KQZ-së me një rezolutë që shpëtuan administrimin e zgjedhjeve nga kolapsi. Menaxhimi i zgjedhjeve na pasuroi me një model administrimi që është udhërrëfyes për të ardhmen. Zgjedhjet e 2019. Konflikti politik i bëri zgjedhjet jonormale dhe KQZ u bë viktima, ishim drejt ezaurimit. Administrimi i zgjedhjeve u disbalancua, besimi tek zgjedhjet u minua. Nuk pati konkurrencë. Ne jemi të kënaqur që disa arritje u vlerësuan. ODIHR vlerësoi përgjithësisht pozitivisht ecurinë e KQZ. KQZ ishte dukshëm përfshirëse në regjistrimin e kandidatëve. Por nga ana tjetër edhe kritikat, zvogëloi sigurinë juridike. Kuvendi ka filluar përfshirjen e rekomandimeve për Reformën e ardhshme Zgjedhore. KQZ verifikoi 80% të kandidatëve. Para se ata të regjistroheshin. 10 mijë e 153 shtetas për këshilltarë dhe 153 për kryebashkiakë. Administrimi i zgjedhjeve u bë nga komisione që nuk funksionuan në mënyrë të plotë. Vakancat u mbushën me thirrjen e KQZ ndaj qytetarëve për t’u bërë pjesë e zgjedhjeve. U ndryshuan procedurat. Embrioni i zgjidhjes është administrata jopolitike, dekriminalizimi si dhe financimi i partive. Kryefjala e KQZ ishte monitorim dhe kontroll. 34 auditues ligjorë morëm për fondet gjatë fushatës zgjedhjore dhe shpenzimet. 22 parti politike nga 36 kanë dorëzuar raport financiar për fushatën zgjedhore. ”- tha Zguri./ Opinion.al
