Ajay Banga do të jetë Presidenti i ri i Bankës Botërore për një mandat pesë vjeçar. Bordi i guvernatorëve të Bankës Botërore zgjodhi të mërkurën ish-drejtorin ekzekutiv të Mastercard për një mandat pesë-vjeçar si president, duke sjellë një ekspert financash dhe zhvillimi me origjinë indiane për të rinovuar politikat e institucionit mbi ndryshimet klimatike dhe krizat e tjera globale.
Banga, 63 vjeç, u propozua për këtë post nga Presidenti i SHBA Joe Biden në fund të shkurtit dhe ishte pretenduesi i vetëm për të zëvendësuar shefin në largim të Bankës Botërore, David Malpass, një ekonomist dhe ish-zyrtar i Thesarit të SHBA-së, i cili shërbeu në administratën Trump.
Zgjedhjet erdhën pasi anëtarët e bordit të Bankës Botërore intervistuan Bangan për katër orë të hënën. Dita e fundit e Malpass në bankë do të jetë 1 qershori. Vendimi erdhi me votim nga 24 anëtarë të bordit, ndërsa Rusia abstenoi.
Biden e përgëzoi Bangan për detyrën e re në drejtimin e Bankës Botërore, të cilën ai e përshkroi si “një nga institucionet më kritike të njerëzimit për të ulur varfërinë dhe për të zgjeruar prosperitetin në mbarë globin”.
