Në Austri mësohet të jetë zgjedhur kancelarja e parë grua. Presidenti i Austrisë ka zgjedhur kryetaren e Gjykatës Kushtetuese si kancelare kalimtare pasi Parlamenti rrëzoi qeverinë e Sebastian Kurz për shkak të një video-skandali korrupsioni.
70-vjeçarja Brigitte Bierlein, pritet të dalë në pension gjatë këtij viti është angazhuar në formimin e një kabineti, i cili do të ketë mbështetjen e Parlamentit deri në zgjedhjet e ardhshme që pritet të mbahen në shtator.
“E njoh dhe e vlerësoj kryetaren Bierlein si person, e cila është e matur, e pastër ligjërisht dhe shumë kompetente”, -tha Presidenti austriak.
Ndërkohë Brigitte Bierlein është shprehur:
“I nderuar Zoti President, ju falenderoj për besimin e madh të treguar ndaj meje. Iu premtoj ju dhe të gjithë austriakëve se do të bëj çdo gjë që kam në dorë për të shpërblyer besimin tuaj”.
Bierlein pritet të prezantojë kabinetin e saj në pak ditë. Më herët është shprehur se do të zgjidhte për kabinetin shumë shërbyes civilë si ministra.
Paraprakisht ka emëruar një diplomat që ka punuar në zyrën e Kurz, Alexander Schallenberg, si ministër të Jashtëm./Opinion.al/
