Ditën e sotme Kryeministri grek Kyriakos Mitsotakis mbajti një fjalim në Parlament për zgjerimin e Greqisë me 12 milje në detin Jon.
Kryeministri grek tha se pas zgjerimit në Detin Jon, territori grek rritet me 10%, ndërsa theksoi se Greqia dominon tashmë në detin Jon.
Po ashtu, kryeministri grek ka përmendur edhe homologun e tij shqiptar, Edi Rama, ku sipas tij ky i fundit deklaroi qartë se është e drejtë e Greqisë të zgjerohet me 12 milje.
“Ministri i Jashtëm grek bashkëpunoi me homologun e tij shqiptar dhe tani çdo mosmarrëveshje me Tiranën do të adresohet në një gjykatë ndërkombëtare. Kryeministri i Shqipërisë deklaroi në mënyrë të qartë se shtrirja në 12 milje detare është një e drejtë e patjetërsueshme sovrane e Athinës, duke shtuar një argument tjetër në favor të pozicionit tonë se ujërat e Mesdheut mund të bashkohen në vend që të ndajnë popujt “, u shpreh Mitsotakis./ Opinion.al
