Është shtyrë me një ditë debati në parlamentin grek lidhur me projekt-ligjin e Ministrisë së Jashtme për shtrirjen me 12 milje të Greqisë në Detin Jon.
Mediat greke shkruajnë se diskutimet për këtë çështje u shtrinë në dy ditë me qëllim që t’u jepet kohë e mjaftueshme deputetëve që dëshirojnë të paraqesin qëndrimin e tyre mbi çështje.
Gjatë prezantimit të këtij pr/ligji, ministri Dendias tha se për herë të parë nga viti 1947 Greqia do të zgjerojë ujërat e saj territorial me 13,000 kilometra katrorë, përfshirë zonën brenda gjireve.
“Duke marrë parasysh që e gjithë sipërfaqja e vendit është 135, 000 kilometra katrorë, fushëveprimi i këtij zgjerimi është i dukshëm”, u shpreh ai.
Gjithashtu, Dendias përshëndeti edhe partitë e opozitës që e mbështetën projektligjin gjatë diskutimeve në Komisionet Parlamentare.
Legjislacioni, shtoi ai, “ka një element historik dhe unë do të doja të falënderoja ngrohtësisht palët për bashkëpunimin”./Opinion.al
