Kryesore

Zgjerimi i Greqisë në ujërat detare ringjall debatin Rama-Meta


Bëhu pjesë e Grupit Zyrtar të Opinion.al
>> KËTU <<
               Publikuar në : 13:41 - 28/08/20 |
Opi Nion

Zgjerimi i Greqisë me 12 milje në detin Jon, duket se do të ngjallë përsëri një debat mesa presidentit Ilir Meta dhe kryeministrit Edi Rama.

Një ditë më parë Meta tha se në lidhje me këtë çështje institucioni i Presidencës do të veprojë në kuadër të Kushtetutës. Por pas kësaj deklarate, Rama është shprehur sot se Meta duhet të qetësohet dhe të mos bëjë “rafting” me Kushtetutën dhe çështjet e marrëdhënies ndërkombëtare apo të fqinjësisë.

Kryeministri tha se rasti i zgjerimit të Greqisë në ujërat detare nuk ka lidhje me Presidentin apo Kushtetutën e vendit tonë.

 “Presidenti duhet të informohet mirë dhe të bëjë atë që duhet të bëjë dhe të mos ngatërrojë Kushtetutën e Shqipërisë me të drejtën e detit të Greqisë, që nuk ka lidhje fare me Shqipërinë. Mos ta ngatërrojë, mos të hedhë fjalën sikur ‘hajde të mbrojmë Kushteuttën’, sepse këtu nuk ka fare lidhje Presidenti dhe as Kushtetuta. Është si puna e Kanioneve të Skraparit, ka shkëmbinj nga njëra anë dhe nga ana tjetër dhe në mes rrjedh ujë. Konventa iu ka dhënë të drejtë të dy shkëmbinjve të marrin nga ky ujë. Kështu që presidenti të jetë shumë i qetë, sepse nuk është rasti për të bërë ‘rafting’ me Kushtetutën dhe me një cështje të marrëdhënies ndërkombëtare dhe të fqinjësisë”, tha Rama./ Opinion.al

Pas