Palët politike dështuan në 31 maj që të arrinin një dakordësim për reformën zgjedhore, ndërsa kanë fajësuar njëra-tjetrën si shkaktare të mos gjetjes së një marrëveshje.
Lidhur më këtë çështje ka reaguar Komisioneri për Zgjerimin i BE, Oliver Varhelyi, i cili shprehet se është thelbësore arritja e një marrëveshje mes palëve politike.
Përmes një postimi në rrjetet sociale, Varhelyi thotë se reforma është e rëndësishme për Shqipërinë dhe se do të ishte për të ardhur keq nëse palët politike do të dështonin përsëri.
“Unë i inkurajoj të gjitha palët, brenda dhe jashtë parlamentit, që përsëri të provojnë dhe të arrijnë një marrëveshje. Kjo është një reformë e rëndësishme, do të ishte për të ardhur keq nëse humbej ky moment. Shpresoj për një marrëveshje: kjo është thelbësore”,-shprehet Komisioneri për Zgjerimin e BE/ Opinion.al
