Partia Demokratike sot i bëri thirrje Kuvendit që në seancën e ardhshme të miratojë ndryshimet në Kodin Zgjedhor.
Pas deklaratës së PD, ka ardhur reagimi i kryeministrit Edi Rama nga foltorja e Kuvendit. Teksa replikoi me deputeten Rudina Hajdari, Rama është shprehur se opozita jashtëparlamentare nuk ka asnjë tagër që t’i japi urdhër Kuvendit.
LEXO EDHE: PD thirrje Ruçit: Parlamenti të miratojë ndryshimet në Kodin Zgjedhor
“Nuk është nevoja për të vazhduar me provokime, atyre jashtë u them nuk keni asnjë tagër t’i jepni urdhër këtij Kuvendi dhe meqë jemi këtu sot Kryetari i Kuvendit që pashë se i është drejtuar një urdhër nga Sekretari i Përgjithshëm i forcave clirimtare jashtë Kuvendit, por edhe unë jemi të zhgënjyer nga fjalia e fundit që edhe ju zonja Hajdari keni firmosur; ku thuhet që Kuvendi duhet ta votojë atë marrëveshje pa asnjë ndryshim e pa kushte. Unë nuk di të ekzistojë në historinë e planetit në gjithë jetën demokratike ndonjë institucion tjetër vec Gjykatës Kushtetese që mund ti diktojë Kuvendit një gjë apo një gjë tjetër. Tani mblidheni ju atje 4 veta në një vend të nderuar patjetër, tokë amerikane, edhe këpusni një firmë atje, kuvendi ta marrë këtë letrën tani e ta votojë”- tha Rama./Opinion.al
