Kryesore

“Zgjedhorja”/Opozita kërkoi takim të hënën, mazhoranca: Është ditë pushimi


Bëhu pjesë e Grupit Zyrtar të Opinion.al
>> KËTU <<
               Publikuar në : 11:25 - 23/05/20 |
Opi Nion

Ditën e sotme u njoftua se përfaqësuesit e opozitës në Këshillin Politik për Reformën Zgjedhore kanë propozuar që mbledhja e radhës të mbahet të hënën.

Por, zhvillimi i mbledhjes ditën e hënë është refuzuar nga mazhoranca, duke argumentuar se kjo ditë përkon me “Fiter Bajramin” dhe është ditë pushimi.

Mazhoranca ka rënë dakord që ky takim të zhvillohet ditën e martë, më 26 maj në orën ora 11:00 tek Pallati Kongreseve.

LEXO EDHE: Reforma Zgjedhore, opozita kërkon takim me Gjiknurin dhe Hajdarin

OSBE REZERVON PËR TË MARTËN

Pavarësisht se dita e hënë është ditë pushimi për shkak të festës së Bajramit, OSBE impenjohet maksimalisht që të zhvillohet mbledhja e Këshillit Politik për Refrmën Zgjedhore të propozuar nga përfaqësuesit e opozitës me synimin e përmbylljes sa më shpejt të reformës.

Përmes një njoftimi, OSBE-ja njofton se ka rezervuar sallën për ditën e martë, pasi e hëna e propozuar nga opozita është ditë pushimi.

“Duke qenë se dita e Hënë i bie festë Bajrami e për rrjedhojë ditë pushimi, OSBE ka mundesuar rezervimin e salles per takimin e grupit te punes per reformen zgjedhore, ne date 26 Maj 2020, ora 11:00 tek Pallati Kongreseve”.

Të premten, Oerd Bylykbashi i Partisë Demokratike dhe Petrit Vasili i Lëvizjes Socialiste për Integrim u kanë dërguar një letër përfaqësuesve parlamentarë në ketë grup Damian Gjiknuri dhe Rudina Hajdari, si dhe kanë vënë në dijeni për këtë qendrim partnerët ndërkombëtarë të përfshirë në proces, BE, SHBA, OSBE dhe KiE./ Opinion.al

Pas