Partia Demokratike kërkoi sot mbledhjen e Këshillit Politik të Reformës Zgjedhore për të diskutuar formulën e zgjedhjes së Komisionit Qëndror të Zgjedhjeve.
Por përfaqësuesi i mazhorancës dhe njëkohësisht bashkëkryetar i Komisionit të Posaçëm për Reformën Zgjedhore, Damina Gjiknuri thotë se propozimi i PD për formulën e emërimit të KQZ “nuk mund te diskutohen me ne mbledhjen e radhes”.
Përmes një njoftimi publik drejtuar anëtarëve të opozitës në Këshill, Gjiknuri bën të ditur qëndrimin e Partisë Socialiste.
“E gjykojme nje propozim jashte marreveshjes dhe tradites parlamentare per rolin e Kuvendit ne zgjedhjen e KQZ. Per kete ceshtje do te diskutojme pasi te na sillni paraprakisht nje propozim tjeter qe respekton faktin qe Kuvendi eshte sovran ne zgjedhjen e organit te KQZ duke siguruar edhe konsultimet dhe dakordesimet ne lidhje me emrat qe plotesojne kriteret dhe kane miratimin tuaj. Pra, e theksoj vetem nese sillni propozim te ri bazuar ne keto parime mund te vazhdoje ky diskutim.
Per pikat e tjera ju lutem specifikoni cilat jane ato perfshire propozimet alternative qe keni duke i derguar paraprakisht me qellim qe ti japim zgjidhje ne mbledhjen e radhes dhe mos humbim kohe me debate te kota. Pra, vetem pas ketij qartesimi mund te konfirmoj mbledhjen e radhes ne cdo kohe.” shkruan Damian Gjiknuri.
Pas mbledhjes së djeshme të Këshillit Politik, palë thanë se nuk kishin rënë dakord për formulën e zgjedhjes së anëtarëve të KQZ-së “së re” e sipas marrëveshjes së 5 qershorit pritet të ketë një strukturë të re.
Përfaqësuesit e opozitës thanë dje se kanë propozuar për zgjedhjen e anëtarëve të KQZ të njëjtën formulë të përzgjedhjes që është përdorur për organet e reja të sistemit të drejtësisë.
LEXO EDHE – Zgjedhorja/ Bylykbashi: Mazhoranca refuzon çdo lloj propozimi
Por sipas Gjiknurit, propozimi i opozitës ruan formatin politik të KQZ-së duke hequr domosdoshmërinë e riformatimit të saj. /Opinion.al
