Ka përfunduar takimi i përfaqësuesve politikë me përfaqësuesit diplomatikë të vendeve të BE, Britanisë së Madhe, Zvicrës, SHBA , OSBE dhe ODIHR.
Në përfundim të takimit, bashkëkryetari i Komisionit për këtë reformë, Damian Gjiknuri deklaroi për mediat se ka një “frymë kompromisi me PD”.
“Ka një frymë kompromisi, kemi gjetur një hapësirë të përbashkët. Mbetet që ditët fundit të zgjidhen disa probleme kryesore, sic është depolitizimi i administratës”, tha Gjiknuri.
Brenda takimit por edhe për gazetarët Gjiknuri tha se afati i 15 marsit për Reformën nuk është i mjaftueshëm për të kaluar të gjitha dispozitat e reja në parlament por është e rëndësishme që arrihet kompromisi brenda kësaj date.
“Në 15 mars synimi është që të arrimë një marrëveshje, jo se duam të shtujmë afatin. Nëse është e nevojshme të shtyhet 2-3 ditë është krej normale se 15 mari nuk është një datë e palëvizhsme. Në pjesnë e mbetur të bëjëm përpjekje për të gjitha cështjet. E rëndësishme është që palët të bëjnë kompromis’, tha Gjiknuri.
I pyetur në lidhje me propozimin e PD për qeverinë tranzitore, ai tha se ky nuk është një diskutim i kësaj tryeze por është një çështje që trajtohet mes partive politike megjithëse deri tani nuk ka informacion që të ketë dakordësi për një gjë të tillë.
“Qeveria kujdestare nuk është cështje e kësaj tryeze. Qeveria kujdestare është cështje kushtettuese dhe marrëveshje politike. Nëse ka marrëveshje politike po, por unë nuk di që qeveria të ketë një vullnet që të shkojë në qeveri teknike, pra janë gjëra të stërkonsumuara. Unë besoj se nëse ka vullnet dhe PD të vijë me këmbë në tOkë për disa gjëra, unë besoj se konsensusi është shumë i arritshëm”, tha Gjiknuri.
Nga ana e tyre ambasadorët mësohet të kenë mbështetur dialogun mes palëve. Burime nga mbledhja bëjnë me dije se a i përket propozimit për pezullim të vetting-ut për anëtarët e kolegjit zgjedhor, ambasadori i OSBE, Brochardt u shpreh se duhen respektuar parashikimet e Kushtetutës. I të njëjtit qëndrim ishte edhe ambasadori i BE, Soreca, për sa i përket kolegjit elektoral, duke thënë se duhet të jetë në linjë me Kushtetutën dhe ligjet. Ambasadorja amerikane, Yuri Kim, tha se e rëndësishme në këtë pikë është që palët të qëndrojnë në tavolinën e bisedimeve. “Nuk ka fitore 100% për asnjërin”, mësohet të ketë thënë ajo.
Përfaqësuesi i PD dhe opozitës, Oerd Bylykbashi nuk foli për mediat por brenda takimit ai u tha diplomatëve se kryeministri Rama nuk mund të organizojë dot zgjedhje të lira dhe të ndershme. /Opinion.al
LEXO EDHE – PD-përfaqësive diplomatike: Rama nuk mund të organizojë zgjedhje të lira
