Reforma Zgjedhore është në fokus të politikës Shqiptare në këto momente. Opozita dhe mazhoranca janë mbledhur disa herë për të diskutuar në lidhje me reformën, por deri më tani ende nuk është arritur konsensusi.
Ekspertët e komisionit parlamentar të reformës zgjedhore kanë propozuar depolitizimin e plotë e administratës administratës zgjedhore. Lidhur me këtë reformë, ka folur ish-deputeti i PD-së, Oerd Bylykbashi dhe përfaqësuesi i kësaj partie në Komisionin për Reformën Zgjedhore.
Gjatë një interviste televizive, ai shprehet se propozimet e mazhorancës, do i hapin derën administratës së politizuar nga PS që të marrë kontrollin e administratës zgjedhore. Bylykbashi propozon vendosjen e kamerave për të monitoruar komisionerët me qëllim evitimin e presionit ndaj zgjedhësve.
Një tjetër propozim nga ish-deputeti i PD-së është dhe përdorimi i teknologjisë së identifikimit përmes gjurmës së gishtit në vend të firmave. Kjo do të evitonte falsifikimin e firmave.
Bylykbashi: Sa herë ka zgjedhje parlamentare ne kemi qeveri që nuk i kanë kryer të gjitha detyrat. Qeveria tranzitore do garantonte neutralitetin në zgjedhje në mënyrë që qeveria të mos fusë duart tek votat. Ne kemi parë që duke bërë ndryshime në Kodin Penal në vitin 2017. Nëse Rama është në gjendje të bëj presion . Presioni i qeverisë është shumë i fortë, një rol kompresor që shpartallon çdo lloj barriere ligjore. Ajo që ne themi është që qeveria rri jashtë procesit zgjedhor. Përpiqemi që numërimi i votave të jetë i pastër dhe i thjeshtë. Ka një rekomandim nga OHDIR për depolitizimin e administratës publike. Nuk do ta thoshte nëse nuk do ta dinte që administrata është e politizuar. Në mënyrë definitive ne shitblerjen e votave do ta çojmë edhe në SPAK. Doja të fokusohesha tek bazat e procesit të votimit. Ne na cënohet liria dhe sekreti i votës.
Votuesit futen me frikë në zgjedhje. Ajo që po kërkojmë të vemë janë instrumenta të qartë që të garantojë këtë pjesë. Ne kërkojmë që në qëndrën e votimit të vendoset një kamera e cila nuk filmon zgjedhësit. Kamera filmon komisionerët në mënyrë që ata të mos t’i bëjnë presion zgjedhësve dh mos t’i shkojnë për të shkuar tek dhoma e votimit për të parë se si votojnë. Ne kemi parë në 2019 se si komisionerët shoqërojnë zgjedhës të panumërt për t’i bërë presion. Nëse zgjedhësi do të ketë garancinë e sekretit të votës, do ta prishi votën nëse është votues i majtë.
Identifikimi biometrik është një tjetër, që kutitë të mos mbushen. Mos të ketë votim familjar apo votim në emër të të tretëve që shumica janë emigrantë dhe nuk kanë ardhur në Shqipëri ditën e zgjedhjes. Nuk do ketë mbushje të kutisë nga komisionerë të korruptuar në përfundim. Realizohet që zgjedhësi vjen me kartën e identitetit me emrin e tij. Në momentin që atij i dalin të dhënat personale, ai vë gjurmën e gishtit dhe jo firmën e tij. Ajo gjurmë mbetet aty. Nëse dikush do të shkojë e ta bëjë falso këtë proces, ai do të ndiqet penalisht. Nëse do ta tentojë dy herë, gjurma do të mbetet aty do të verifikohet në mënyrë të detyrueshme nga KQZ e do shkojë penalisht përpara Prokurorisë. Deri në zgjedhjet e ardhshme është e realizueshme. Identifikimi biometrik është një teknologji që mund të bëhet. / Opinion.al
