Afro 1 milionë karta identiteti skadonin deri në mes të këtij viti duke vënë në rrezik edhe zgjedhjet lokale të 25 qershorit 2019. Por qeveria ka vendosur të shtyjë vlefshmërinë e kartave të identitetit deri më 31 dhjetor 2019.
Lajmi u bë i ditur nga ministri i Brendshëm, Sandër Lleshaj gjatë inaugurimit të zyrave të reja, ku ishte bashkë me Kryebashkiakun Veliaj. Lleshaj u shpreh se “përveç shtimit të kapaciteteve dhe përmirësimit të kushteve në zyrat e aplikimit, qeveria shqiptare do të ndërmarrë masa edhe për të zgjatur vlefshmërinë e kartave të identitetit që skadojnë në vitin 2019. Pra, dua të krijojmë një mundësi që asnjë qytetar shqiptar të mos ngelet qoftë edhe për një arsye të vetme pa realizuar të drejtën e votimit për shkak të kartës”.
Kujtojmë se ID-të e reja me elemente sigurie u prodhuan për herë të parë në vendin tonë në 2009. Kësisoj në plotësim të afatit 10 vjecar, shumicës së qytetareve shqiptarë u skadonin kartat në 6 mujorin e parë të këtij viti. Kësisoj gjatë këtij muaji janë verejtur radhë të gjatë në sportele të qytetarëve që aplikojnë për karta ideniteti, jo vetëm për të marrë pjesë në zgjedhje por për një sërë shërbimet që merren me kartë identiteti, si ilacet me rimbursim, pensionet, etj. /Ri-De
