Deputeti i Partisë Demokratike, Ervin Salianji në një deklaratë për mediat ditën e sotme komentoi zgjedhjet vendore të vitit 2023.
Salianji deklaroi me bindje se PD dhe opozita në tërësi do të dalin me një kandidat, ndërsa shtoi se do bëjë çdo përpjekje për ta arritur diçka të tillë.
“Gjykata duhej të përshpejtonte vendimin, duke qenë se bëhet fjalë për gjithë funksionin e institucioneve dhe opozitën, por përtej kësaj çështja e PD është një çështje që zgjidhet me vullnetet e përfaqësuesve të saj, barra më e madhe do jetë për ata që e drejton, ata kanë detyrimin të japin zgjidhje dhe të dalin me një kandidat, çdo devijim për interesa personal, këtu do jemi dhe do ta komentojmë. Do jenë përgjegjës para demokratëve duke i ulur vlerën përballjes me kundërshtarin politik që është Edi Rama. Unë jam i bindur që PD dhe opozita në tërësi do dalë me një kandidat. Do bëj çdo përpjekje për të pasur një kandidat. Nuk bëj më asnjë beteje për të bërë garë se kush prej karrierave do akumulojë ndonjë kapital të vogël politik për të tenderuar pastaj brenda opozitës”, tha Salianji./Opinion.al
