Kryeministri Rama dhe Presidenti Ilir Meta kanë përfunduar takimin e tyre mbi datën e zgjedhjeve parlamentare të vitit 2021.
Kryeministri ishte i shoqëruar në takim nga sekretari i përgjithshëm i PS, Taulant Balla.
Në hyrje të takimit Meta i parashtroi kryeministrit arsyet e këtij takimi, ndërsa tha se vendosja e datës nuk ka ndonjë rëndësi të madhe.
“Unë fillova të zhvillonim konsultimet për datën e zgjedhjeve, me qëllim për të ndihmuar sa më shumë për një proces gjithëpërfshirës, jo se vendosja e datës ka ndonjë rëndësi vendimtare por për të respektuar çdo ndjeshmëri apo edhe kalendarë të tjera sic janë festat zyrtare. Në këtë drejtim do të isha i interesuar të dëgjoja edhe mendimin tuaj si përfaqësues të PS dhe të mazhorancës”.
Më pas Meta tha: Ndonjë kafe ndonjë caj..
LIVE – Takim me Kryeministrin dhe Kryetarin e Partisë Socialiste, z.Edi Rama
Posted by Ilir Meta on Friday, September 4, 2020
Takimi zgjati vetëm 10 minuta dhe pas tij as kryeministri Rama dhe as Taulant Balla nuk dhanë një prononcim për mediat.
Përpara kryeministrit, Presidenti Meta zhvilloi takime me përfaqësuesit e PDIU, PR, PAA dhe PBDNJ. Ata propozuan 18 prillin si datë për zgjedhjet. E njëjta datë është përmendur edhe më herët si propozim i Partisë Demokratike.
Lulzim Basha pritet të vizitojë presidencën në orën 12:00 për të bërë zyrtar propozimin e tij./ Opinion.al
