Kryetarja e Bashkisë Roskovec, Majlinda Bufi, është vënë në hetim nga Prokuroria e Rrethit Gjyqësor Fier.
Ka qenë dega e Partisë Demokratike në Roskovec që ka depozituar një kallëzim penal kundër kryetares së Bashkisë Roskovec, Majlinda Bufi, me akuzën “Përdorimi i funksionit publik për veprimtari politike ose zgjedhore, saktësisht: punësime të paligjshme në kohë elektorale”, të parashikuar nga neni 328/a i Kodit Penal. Padia është dorëzuar në datën 7 prill dhe është pranuar nga prokuroria.
Ndërkohë përmes një shkrese zyrtare Prokuroria e Fierit i ka kthyer përgjigjet Partisë Demokratike dhe bëhet me dije se është nisur procedim penal kundër Majlinda Bufit për unësime të paligjshme në periudhën e fushatës zgjedhore./Opinion.al
