Presidenti amerikan Donald Trump ka votuar të shtunën në Florida duke ju bashkuar kështu 54 milionë amerikanëve që tashmë kanë votuar paraprakisht, ndërkohë që zgjedhjet do të mbahen më 3 Nëntor.
“Unë votova për një djalë që quhet Trump”, ka thënë ai për mediat pas votimit.
Trump ka votuar i vetëm pranë rezidencës së tij në Mar-a- Lago, pa bashkëshorten Melania, ndërsa ka përshëndetur grupet e njerëzve përgjatë rrugës.
Ndërkohë një ditë më parë, ishte shprehur se i pëlqente të votonte personalisht dhe jo përmes postës. “Jam me të vjetrën, merret me mend”, kishte thënë ai.
Ndërkohë, rivali demokrat Joe Biden ka vijuar fushatën e tij të shtunën në shtetin e Pensilvanisë, nga ku foli për një dimër të errët lidhur me koronavirusin, për përballjen e të cilit administrata Trump sipas tij nuk ka bërë një punë të mirë. /Opinion.al
