Kandidati për president i Maqedonisë së Veriut nga “Frontit Evropian” Bujar Osmani, ka deklaruar se ata kanë siguruar fitore me mbi 40 mijë vota ndaj kundër kandidatit Arben Taravari.
Në një konferencë për shtyp, Osmani numëroi edhe vendet ku kanë fituar, madje duke përmendur edhe Tetovën.
““Shpall fitoren e thellë me mbi 40 mijë vota. Kemi shënuar fitore pothuajse në çdo komunë shqiptare. Gjithandej në republikë, fitore e thellë e Frontit Europian. Urime të gjithëve. Ju faleminderit nga thellësia e zemrës për besimin dhe kjo fitore është e përbashkët”, Fitore në Saraj, fitore në Manastir, në Veles, fitore e thellë në Kërçovë, fitore në Kaprosh, dhe pritni pak, fitore në Gostivar.
Gjithnjë në republikë, fitore e thellë e në republikën. Urime të gjithëve ju faleminderit nga thellësia e zemrës për besimin që me keni dhënë mua dhe Frontit. Kjo fitore dëshmon se Fronti po ngritët në një lokomotivë për Evropën”, tha Osmani.
Gjithashtu Bujar Osmani ka falënderuar të gjitha partitë dhe liderët e tyre.
“Vota juaj sot është detyrimi ynë, amaneti ynë, besa jonë dhe ju premtoj se do të jetë pjesë e të ardhmes së ndritur të vendit tonë. Sot shqiptarët, turqit, boshnjakët, romët, treguan se ata vetëvendosin për fatin e tyre. Ne ju japim fjalën se ata askush nuk mund më të vendos për fatin e tyre. Vullneti është i qartë”, tha Osmani.
Ai më pas iu drejtua edhe Arben Taravarit, pavarësisht goditjeve të ulëta, tha Osmani, dhe se duhet të pranohet kjo humbje.
Teksa procesi i numërimit të votave për garën presidenciale në Maqedoninë e Veriut vijon, rezultatet paraprake tregojnë se kandidati shqiptar Bujar Osmani i Frontit Europian renditet i treti në rang vendi.
Në rang vendi, kryeson kandidatja e VMRO DPMNE Gordana Siljanovska Davkova me 36.99% të votave, e pasuar nga Stevo Pendarovski me 18.18 përqind të votave.
Kujtojmë se në garë janë 7 kandidatë.
