Rajoni

Zgjedhjet presidenciale në Maqedoni, lajme të rreme dhe gjuhë urrejtje


               Publikuar në : 13:41 - 13/04/19 |
b.f

Në Maqedoninë e Veriut, zgjedhjet presidenciale mbahen më 21 prill, ndërkohë që po ngrihen shqetësime për lajmet e rreme në fushatë. Portalet në internet shpesh kanë mbështetjen e politikës. Nga ana tjetër, gjuha e urrejtjes në median “online” nuk ka gjetur ndëshkimin e autoriteteve gjyqësore deri tani në këtë vend. Portale të shumta, veprimtaria e të cilave nuk është rregulluar me ligj, shpërndajnë lajme të rreme, ndërsa në raste, nuk mungon as gjuha e urrejtjes.

Media online jo rrallë e keqpërdor lirinë e shprehjes duke bërë që në situata dhe me qëllime të caktuara ajo të kalojë në gjuhë të urrejtjes. Analistët theksojnë domosdoshmërinë e miratimit të ligjit apo akteve për rregullimin e punës së medias në internet, raporton “Zëri i Amerikës”.

Nga ana tjetër, pronarët e këtyre portaleve dhe një pjesë e gazetarëve u janë kundërvënë përpjekjeve për një kontroll të shtuar ndaj kësaj lloj medie në veçanti në periudha zgjedhjesh, ndërsa kanë cilësuar synimet si përpjekje për censurim dhe ushtrim të trysnisë ndaj shprehjes së lirë. Por, nga ana tjetër, kufiri i hollë që e bën atë të kalojë në gjuhë të urrejtjes padyshim që shkakton dëme në një shoqëri të brishtë siç është kjo në Maqedoninë e Veriut./Opinion.al

Pas