Para pak orësh janë bërë publike rezultatet e sondazheve të raundit të parë të zgjedhjeve presidenciale në Francë. Udhëheqësja e ekstremit të djathtë, Marine Le Pen dhe Emmanuel Macron, i qendrës, janë dy kandidatët që kryesojnë sondazhet. Ky i fundit kryeson me një përqindje të vogël.
Ekspertët kanë paralajmëruar se një fitore e Le Pen mund të çojë në rënien e Bashkimit Evropian. E ndikuar kjo edhe nga fitorja e Donald Trump në SHBA, apo largimi i Britanisë nga BE, raporton “The Telegraph”.
Kujtojmë se raundi i parë i zgjedhjeve presidenciale në Francë është zhvilluar nën masa ekstreme sigurie, ku janë angazhuar rreth 50 mijë policë dhe 7 mijë ushtarë në të gjithë vendin./opinion.al
