Me sulme ndaj PD dhe premtime për rritje pagash e ka çelur Edi Rama fushatën zgjedhore për 14 majin.
Kryeministri thotë se tha se synimi i tij është që paga minimale të shkojë në 60 mijë lekë të reja, por për të arritur këtë, thotë ai, qytetarët duhet të votojnë PS.
Teksa shumë krybashkiakë kanë patur probleme me drejtësinë në vitet e fundit, Rama thotë se PS ka shumë gjëra që nuk duhet të jetë krenarë pasi ka patur nga ta që ka shkelur parimet e socialistëve.
“Tashëm edhe pas goditjes së disa krizave të një pas njëshme po diskutohet rritja e pagave.
Synimi im është një pagë minimale të paktën 60 mijë lekë të reja. Pa votën për PS vendi kthehet sërish pas, siç është kthyer sa herë që ata të tjerët anë marrë në duar fatet e tij. Vota për të tjerët ka sjellë si rregull në shkallë kombëtare e lokale më shumë dëme se të mira, dëme të atilla që janë dashur vite të riparohen. Edhe ne nuk e kemi bërë mirë çdo gjë, kemi bërë e thënë shumë gjera për të cilat nuk jemi krenar, por nuk jemi pajtuar as me gabimet tona as me ata prej nesh që kanë gabuar duke shkelur parimet tona”, tha Rama.
Votën ndaj PD, Rama e cilëson si një hap pas, ndërsa kujton se Sali Berisha është person non grata nga SHBA për minim të demokracisë.
