Bota

Zgjedhjet për Parlamentin Evropian, nisin votimet në Holandë dhe Britani


               Publikuar në : 08:55 - 23/05/19 |
el ida

Në Holandë dhe Britani të Madhe nisën sot votimet për zgjedhjet e Parlamentit Evropian.

Vendet e tjera të Bashkimit Evropian do të votojnë në ditët në vazhdim, ndërsa i tërë procesi do të përfundojë më 26 maj, ku mbi 400 milionë qytetarë me të drejtë vote do të zgjedhin 751 eurodeputetë.

Zgjedhjet zhvillohen në një kohë kur po rritet mbështetja për nacionalistët dhe populistët, që duan t’i frenojnë përgjegjësitë e BE-së, ndërsa fuqitë tradicionale, si Franca dhe Gjermania, këmbëngulin se uniteti është opsioni më i mirë përballë sfidave ekonomike dhe të sigurisë.

Këto janë zgjedhjet e nënta për Parlamentin Evropian, prej se ato kanë nisur të mbahen në vitin 1979. Pjesëmarrja thuhet se ka rënë me kalimin e viteve, ndërsa rekordin më të ulët e ka shënuar në vitin 2014, me 43% të votuesve./Opinion.al

Pas