Kreu aktual i PD-së Lulzim Basha i është drejtuar këtë paradite selisë së Partisë Demokratike, ku do të votojë për kryetarin e ri të kësaj force politike.
Basha kandidon për mandatin e tretë në krye të PD-së pas humbjes së zgjedhjeve të 25 Prillit, të cilat i ka konsideruar si një masakër elektorale.
Deri në momentet që flasim procesi i votimit po ecën normalisht në të gjithë vendin.
Janë rreth 75 mijë anëtarë të Partisë Demokratike të cilët do të votojnë për të zgjedhur mes Lulzim Bashës, Agron Shehajn, Edit Harxhit dhe Fatbardh Kadillit, kandidatë në këtë garë.
Në të gjithë vendin janë ngritur 76 qendra votimi, përmes të cilave anëtarët e PD do të ushtrojnë të drejtën e votës për të zgjedhur kryetarin e partisë që do ti udhëheqë në betejat e 4 viteve të ardhshme.
Sipas udhëzimit, ata duhet të zgjedhin vetëm 1 prej kandidatëve, pasi vota e tyre do të jetë e pavlefshme nëse votojnë për më shumë se një prej katër emrave në garë. Në fletën e votimit, Fatbardh Kadilli është i renditur i pari, e pas tij Edith Harxhi, Agron Shehaj e Lulzim Basha./Opinion.al
