Kreu i Partisë Demokratike në konferencën e sotme për mediat paralajmëroi protesta me nisjen e sesionit të ri Parlamentar në shtator.
Sipas Berishës, protesta janë të vonuara duke theksuar se nuk ka asnjë rrugë tjetër.
Kreu i Partisë Demokratike Berisha deklaroi se protestat dhe përballja me narkoshtetinjanë e vetmja rrugë për shqiptarët për të fituar votën e lirë.
“Ky akt është një poshtërim i madh për çdo shqiptar. Çdo shqiptar kudo ku ndodhet duhet të angazhohet në një betejë me të gjitha mjetet për rikthimin e votës në Shqipëri me protesta të fuqishme në të gjitha vendet ku jetojnë dhe në Shqipëri. Ne këto zgjedhje nuk i njohim dhe do bëjmë çdo gjë që shqiptarët të votojnë të lirë. Protestat janë të vonuara, kemi vetëm një rrugë për rikthimin e votës. Nuk ka rrugë tjetër. Në shtator do të nisin protestat”, deklaroi Berisha.
