Beteja e Turqisë për presidencën shkoi në balotazh, me të dy pretendentët të bindur se kanë fituar.
Sipas mediave të huaja, raundi i dytë i këtyre zgjedhjeve do të mbahet në 28 maj.
Menjëherë pas kësaj ngjarjeje, ka ardhur edhe reagimi i kandidatit kryesor i opozitës, Kemal Kilicdaroglu, rivali kryesor përballë Erdogan.
Përmes një videoje të publikuar në Twitter, Kilicdaroglu u bën thirrje mbështetësve të tij që të mos dëshpërohen dhe thekson se do të punohet pa ndërprerje për të fituar zgjedhjet.
Duke përplasur dorën mbi tavolinë në shenjë vendosmërie për të garuar në raundin e dytë përballë Erdogan, ai i drejtohet qytetarëve duke i thënë se do t’i fitojnë këto zgjedhje së bashku.
“Njerëzit e mi të dashur, që nga dje po punojmë pa ndërprerje. Mos u dëshpëroni. Unë do të ngrihem, dhe do t’i fitojmë këto zgjedhje së bashku. Në fund të çdo gjëje fjalën do ta thotë vetëm kombi ynë”, shkruan Kemal Kilicdaroglu në Twitter./Opinion.al
Buradayız. Sonuna kadar mücadele. pic.twitter.com/37rBQEectn
— Kemal Kılıçdaroğlu (@kilicdarogluk) May 15, 2023
